मुंगेली, 03 फरवरी 2020। ट्रैक्टर के टक्कर ले बाइक सवार युवक के दर्दनाक मउत होगे उहे बाइक म बइठे एक आने व्यक्ति गंभीर रूप ले घायल होगे. घायल के अस्पताल म इलाज जारी हे. घटना मित्र मिलन ढाबा के पास बिलासपुर मुंगेली मुख्य मार्ग के हे.
इतवार संझा 6 ले 7 के बीच म छतौना निवासी राजाराम अपन एक रिश्तेदार के संग जरहागांव ले तखतपुर के तरफ जावत रहिस तभे सामने के तरफ ले आवत ट्रैक्टर-ट्राली ह बाइक सवार राजाराम अउ संतराम ल जोरदार ठोकर मार दिस. हादसा अतेक भयानक रहिस कि राजाराम के मुड़ी म गंभीर चोट लगे के कारण घटना स्थल ले अस्पताल ले जात तक मउत होगे रहिस, जबकि एक आने गंभीर रूप ले घायल संतराम के गंभीर हालत म तखतपुर सामुदायिक स्वास्थ्य केंद्र म उपचार जारी हे.
येति, हादसा के बाद ट्रैक्टर चालक टैक्टर ट्राली ल लेके भागत रहिस. जेन ल परिजन मन के सूचना पर जरहागांव पुलिस ह हिरासत म ले लिस. उही ट्रैक्टर अउ ट्राली जेमा टेंट के सामान लोड हे. पुलिस ह जब्त कर लेहे परिजन मन के रिपोर्ट पर पुलिस मामले म अपराध कायम कर जांच म जुटे हे. उही मृतक के शव ल पोस्टमार्टम के बाद सोमवार के परिजन मन ल सौंपा दिए जाही.
गुरतुर गोठ बर दिलीप कुमार
