रायपुर, 15 जून 2020। रायपुर के गुढियारी थाना इलाके म बड़का घटना घटित होय हे, घर के आगु खड़े कार ले चाबी निकाले के बेरा कार अचानक चालू होगे अउ आगु खड़े बच्चा ल जोरदार टक्कर मार दीस. गंभीर रूप ले घायल बच्चा ह इलाज के दौरान दम तोड़ दीस. कार ले चाबी निकलइया कोई अउ नई बल्कि उही बच्चा के मां रहिस. हादसा म बेटा के मउत के बाद मां सदमा म हे.
ये हादसा म बच्चा ल काफी चोट आइस. जोन ल तुरंत एक निजी अस्पताल म भर्ती कराये गिस. जिहां इलाज के बेरा ओखर मउत होगे. घटना के बाद बच्चा ल खोय के गम म माँ सदमा म हे. एखर सेती ओखर ले पूछताछ नई हो पाये हे. स्थिति ठीक होय के बाद ओखर ले पूछताछ करके आगु के विवेचना करे जाही. फिलहाल पुलिस ह धारा 304 के तहत मामला दर्ज कर ले हे.
