कांकेर, 14 नवंबर 2020। नेशनल हाइवे म स्थित बाबूकोहका म यात्री बस अऊ छोटा हाथी वाहन म जबर्दस्त भिडंत होगे। एमा छोटा हाथी वाहन म सवार दुनों युवक मन के घटना स्थल म ही दर्दनाक मउत होगे। ताजा घटना चारामा क्षेत्र के ग्राम बाबूकोहका नेशनल हाईवे 30 के हे। इहां एक रोडवेज के बस रायपुर ले जगदलपुर डाहर जावत रिहिस। उहीं बेरा आगु ले आवत छोटा हाथी क्रमांक सीजी 04 एमएल 3290 के बीच जबर्दस्त भिडंत होगे। भिडंत अतना भयानक रिहिस कि छोटा हाथी वाहन के परखच्चा उड़गे। छोटा हाथी सवार युवक बस के पहिया म आगे अऊ बस चालक ह लापरवाही पूर्वक चलात हुए 100 मीटर तक घसीटत लेगे। एमा शव पूरा तरह ले क्षतिग्रस्त होगे। उहें छोटा हाथी सवार एक युवक गंभीर रूप ले घायल होगे। एला उपचार बर अस्पताल ले जाए गिस जिहां पहुंचत ही ओखरो मउत होगे। बताए जावत हे दुनों मृतक केशकाल ले रायपुर कृषि सामान पहुंचा के वापस लहुटत रिहिस। मृतक मन के नाम तबलदास अऊ बिट्टू देशलहरा बताए जावत हे, जोन मन ह चरोदा भिलाई के रहने वाला हे। फिलहाल पुलिस ह मर्ग कायम करके बस चालक के खिलाफ भादवि के धारा 304 ए के तहत मामला दर्ज करके जांच म ले हे।
जगदलपुर नेशनल हाइवे म बड़का हादसा, मउका म ही 2 लोगन के दर्दनाक मउत
