जशपुर, 27 अगस्त 2020। एंटी करप्शन ब्यूरो ह जशपुर म बड़का कार्रवाई करे हे। एसीबी के टीम ह तहसीलदार ल 50 हजार के रिश्वत लेवत रंगे हाथ गिरफ्तार करे हे। आरोपी तहसीलदार के नाम कमलेश कुमार मिरी हे। एसपी पंकज चंद्रा ह बताइस कि आरोपी तहसीलदार कमलेश कुमार मिरी ह जमीन के नामांतरण के एवज म एक मनखे ले 3 लाख रुपिया के रिश्वत मांगे रिहिस। आवेदक ह 10 डिसमिल जमीन के क्रय करे रिहिस, जेखर रजिस्ट्रेशन उंखर नाम म होगे हे। लेकिन नामांतरण बर आवेदक ले 3 लाख रुपिया के मांग करत रिहिस। बाद म आरोपी तहसीलदार ले बातचीत के बाद किस्त म पइसा दे के सहमति बने रिहिस। जेखर पहली क़िस्त के राशि 50 हजार रुपिया लेवत हुए जशपुर तहसील कार्यालय म एसीबी के टीम ह रंगे हाथ धर दबोचिस।
एसीबी के बड़का कार्रवाई, 50 हजार के रिश्वत लेवत तहसीलदार रंगे हाथ गिरफ्तार
