छत्तीसगढ़ के सब्बो स्कूल 31 मार्च तक बंद….
सरकारी अउ प्राइवेट स्कूल म कोरोना के मद्देनजर छुट्टी घोषित ….
डीपीआई जितेंद्र शुक्ला ह जारी करिस आदेश
रायपुर । छत्तीसगढ़ म कोरोना वायरस के संभावित खतरा ल देखत राज्य सरकार ह बड़े फैसला ले हावय। राज्य सरकार ह प्रदेश के सबो स्कूल ल 31 मार्च तक के लिए बंद कर दिये हे। कल यानि 13 मार्च से ये आदेश प्रभावी हो जाही। हालांकि अभी तक छत्तीसगढ़ म कोरोना संक्रमित एक भी मरीज नहीं मिले हे,बावजूद राज्य सरकार सतर्कता बरतत् हावय। 31 मार्च तक के छुट्टी के पुष्टि खुद डीपीआई जितेंद्र शुक्ला ह करें हावयं।
राज्य सरकार ह ये बात के फैसला ले हें कि बच्चामन म संभावित खतरा ल देखत सिर्फ सरकारी बल्कि प्राइवेट स्कूल घलो बंद होहीं। हालांकि 10वीं अउ 12वीं के परीक्षा पूर्व नियोजित कार्यक्रम के अनुरूप संचालित होत रहीं।
येखर पहले भी स्वास्थ्य विभाग ह स्कूल अउ बच्चा मन ल लेके ऐहितियातन तौर म गाइड लाइन जारी करे गे रहिस हे।अब जे खबर आ हावय कि ओखर मुताबिक प्रदेश सरकार ह 31 मार्च तक स्कूल मन ल बंद करे के आदेश दिये हावय।
मुंगेली ले गुरतुर गोठ बर संंवाददाता दिलीप बसंत
