महिला मन मउहा ले बनावत हें स्वास्थ्यवर्धक लड्डू, प्रधानमंत्री ह करिस तारीफ
आप मन ह मउहा के दूसर उपयोग मनखे मन ल बताएव, स्वास्थ्यवर्धक लड्डू बनाके एकर बढ़िया उपयोग करेव- प्रधानमंत्री श्री नरेंद्र मोदी
कांकेर के भानुप्रतापपुर के भानबेड़ा के हितग्राही भूमिका भूआर्य ले विकसित भारत संकल्प यात्रा के समय वर्चुअल गोठबात करिस प्रधानमंत्री श्री नरेंद्र मोदी
कांकेर के भूमिका ह कहिस कि आपसे जेन मिले हे ओला कइसे भुला सकत हन प्रधानमंत्री जी, प्रधानमंत्री ह उत्तर दीस आप सबो के मया ले ही सरलग काम करे के ऊर्जा मिलथे
प्रधानमंत्री ह भूमिका ले बातचीत म कहिन कि में बस्तर के जिंदगी ल जानथों, आप मन के माता-पिता ल प्रणाम करत हंंव उमन आप मन ल पढ़ाइस, लिखाइस अऊ योग्य बनाइस
कांकेर, 08 जनवरी, 2024। प्रधानमंत्री श्री नरेंद्र मोदी अउ सहयोगी मन कोति ले कैबिनेट म गहन मंथन के बाद जनकल्याण बर योजना तियार करे जाथे। दिल्ली म बने ये योजना मन कुशलता ले जमीनी स्तर म कइसे क्रियान्वित करे जात हे, एखर समीक्षा प्रधानमंत्री श्री मोदी सीधा आम जनता ले गोठ बात के माध्यम ले नियमित रूप ले करत हें। एखर बर विकसित भारत संकल्प यात्रा घलोक आयोजित करे जात हे। उत्तर बस्तर के ग्रामीण क्षेत्र मन म केंद्र कोति ले चलाए जात बहुत अकन योजना मन के का असर होय हे, एखर जानकारी लेहे आज विकसित भारत संकल्प यात्रा के वर्चुअल कार्यक्रम के माध्यम ले प्रधानमंत्री ह कांकेर जिला के भानुप्रतापपुर के भानबेड़ा के हितग्राही भूमिका भूआर्य ले ग्राम मनकेसरी म होए कार्यक्रम म वर्चुअल गोठबात करिन।
भूमिका ह बताइस कि ओ हर बीएससी प्राइवेट करे हे अऊ इहां अपन गांव के 29 समूह मन म ले एक समूह ले जुड़े हे। प्रधानमंत्री ह भूमिका ले पूछिन कि ओला केंद्र सरकार के कोन योजना मन के लाभ मिले हे। भूमिका ह बताइस कि ओला वनधन योजना, उज्ज्वला योजना, नल जल, शौचालय, राशन कार्ड, किसान सम्मान निधि, दू साल के बोनस आदि सबो योजना मन के लाभ मिले हे। प्रधानमंत्री ह कहिन कि आप मन ल तो सबो योजना मन ले मिले लाभ याद हे। भूमिका ह कहिस कि आपसे जेन मिले हे ओला कइसे भुला सकत हन सर, प्रधानमंत्री ह कहिन कि आप मन ले बात करके हमला काम करे के अऊ हिम्मत आथे। प्रधानमंत्री ह पूछिन कि आप मन ल अतका योजना मन के पता कइसे चलिस अऊ ए मन ल पाए म कोनो प्रकार के तकलीफ तो नइ होइस। भूमिका ह बताइस कि ए मन ल प्राप्त करे म कोनो अड़चन नइ आईस, मम्मी पापा ले मोला ये जानकारी मिलीस। प्रधानमंत्री ह पूछिन कि आप मन के छोटे भाई का करे हे। भूमिका ह बताइस कि वो कालेज म हे। प्रधानमंत्री ह कहिन कि में आप के माता-पिता ल प्रणाम करत हंंव जे मन आप दुनों लइका मन ल पढ़ाइन। में जानथों कि बस्तर के जिंदगी कइसे हे। आप मन के माता-पिता प्रणाम हे, जे मन बेटी ल पढ़ाइन अऊ ओला पढ़े ल भेजिन। में इहां बइठे सबो माता मन ल कहत हंंव कि अपन बेटी मन ल पढ़ावव।