हथबंद के ज्योति बनिस आत्मनिर्भरता के मिसाल, बिहान योजना ले बदलीस जिनगी

बलौदाबाजार, ग्रामीण क्षेत्र के महिला मन ल सशक्त करे बर चलाए जात बिहान योजना ले बलौदाबाजार के ग्राम हथबंद के ज्योति निषाद ह न केवल आर्थिक आत्मनिर्भरता हासिल करिस, बल्कि अपन परिवार ल घलो एक नवा दिशा दीस।
पहिली खेती उपर निर्भर रहइया ज्योति निषाद के परिवार के स्थिति ओ बखत कठिन हो गए रहिस जब ओखर पति के तबीयत खराब होए लगिस। अइसन समय म ओ ह ‘जय मां सरस्वती’ स्व सहायता समूह ले जुरके कपड़ा दर्री बुनाई, सिलाई काम अऊ किराना दुकान के शुरुआत करिस। बिहान योजना के तहत ओला ₹3 लाख के बैंक लिंकेज अऊ ₹60,000 के सामुदायिक निवेश कोष उपलब्ध कराए गीस।
अभी ज्योति निषाद लगभग ₹12,000 हर महीना कमावत हे अऊ ए ह ओखर दृढ़ इच्छाशक्ति अऊ मेहनत के नतीजा हे। अपन ए स्थिति बर सुश्री ज्योति ह मुख्यमंत्री श्री विष्णु देव साय जी के प्रति आभार व्यक्त करे हे।