बिहान के तहत ग्रामीण महिला मन होवत हें स्वावलंबी

कोण्डागांव, ग्रामीण क्षेत्र म निवासरत महिला मन ल रोजगार ले जोड़के सशक्त अऊ आत्मनिर्भर बनाए के उद्देश्य ले राज्य सरकार कोति ले राज्य ग्रामीण आजीविका मिशन बिहान के शुभारंभ करे गए हे। ए मन ल आर्थिक रूप ले सबल बनाए बर राज्य सरकार कोति ले हरसंभव प्रयास करे जात हे। आज बिहान के महिला मन समूह ले जुड़के सफलता के नवा कहानी लिखत हें अऊ अपन सपना ल पंख देके नवा उड़ान भरे ल तियार हें। योजना के अंतर्गत एनआरएलएम के टीम अऊ तीनों स्तर के पंचायत ह समूह के वित्तीय समावेशन अऊ कौशल उन्नयन करे जात हे ताकि ओ मन अपन अउर अपन परिवार के आजीविका संवर्धन म अग्रसर हो सकयं। आज बिहान ले जुड़ के गांव के महिला मन अपन स्वरोजगार स्थापित करके पारीवारिक खरचा म अपन परिवार के हाथ बटावत हें संगेच परिवार अऊ समाज म अपन एक अलग पहिचान घलोक बनावत हें।