हरदी के खेती ले आर्थिक तरक्की कोति बढि़स बिहान समूह के महिला कृषक प्रीति

राजनांदगांव, 18 सितंबर 2020। कहिथें के मंजिल ओही ल मिलथे, जेकर सपना म जान होथे, पांखी ले नहीं हौसला ले उड़ान होथे। मजबूत इरादा वाले हरदी के खेती करइया जय गंगा मैया स्वसहायता समूह के महिला कृषक श्रीमती प्रीति साहू ह ये बात ल सही साबित कर देखाए हे। राजनांदगांव जिला के डोंगरगांव विकासखंड के ग्राम करमतरा के श्रीमती प्रीति साहू ह धमतरी के मोरवा म हल्दी के खेती के प्रशिक्षण लीस अऊ प्रोत्साहित होइस। वोकर बताती राज्य आजीविका मिशन के सहायता ले मिले राशि ले ओ ल हल्दी के खेती करे के हौसला मिलीस अऊ फसल बहुत अच्छा होइस। श्रीमती प्रीति ह बताइस के वो ह अपन बाड़ी के 70 डिसमिल म हल्दी के खेती करे हे। जेखर बर ओ ल राज्य आजीविका मिशन के सहायता ले 50 हजार रूपिया के ऋण मिलीस अऊ वो ह आत्मनिर्भरता के दिशा म कदम बढ़ाइस। वोकर बताती एक फसल म करीबन 15 क्विंटल तक हल्दी उत्पादन होही। जेखर से 40 हजार रूपिया तक आमदनी हो जाही। वोखर बाड़ी म क्रेडा कोति ले सिंचाई बर सोलर पैनल घलोक लगे हे।