राष्ट्रीय ग्रामीण आजीविका मिशन बिहान योजना ले जुड़ के महिला मन स्वरोजगार के डहर होवत हे अग्रसर

श्री गणेश स्व-सहायता समूह के महिला मन 18 क्विंटल मछली बेच के 3.60 लाख रुपिया के आय अर्जित करे हे
जशपुरनगर 03 सितम्बर 2023
बिहान छत्तीसगढ़ राज्य ग्रामीण आजीविका मिशन योजना के तहत ग्रामीण क्षेत्र में रहवइया महिला मन ल एक स्व सहायता समूह के रूप में संगठित कर उमन ल प्रेरित कर क्षमतावर्धन आवश्यक प्रशिक्षण देके स्वरोजगार ले जोडे़ जाए वाले महत्वपूर्ण योजना हे। आज महिला मन राष्ट्रीय ग्रामीण आजीविका मिशन बिहान योजना ले जुड़ के स्वरोजगार के डहर अग्रसर होत हुए अपन सपना ल पूरा करत हे। स महिला मन ल सशक्त अउ आत्मनिर्भर बनाए ब हर सम्भव प्रयास करे जाथ हे इ कड़ी में ग्राम पंचायत मनोरा में श्री गणेश स्व सहायता समूह के 10 झन महिला मन मछली पालन के बुता करत हे।
ए बुता ब उमन ह राष्ट्रीय ग्रामीण आजीविका मिशन बिहान योजना अंतर्गत 3 लाख रुपिया बैंक लिंकेज लेके मछली पालन के काम करत हे अउ ए बुता विगत 3 बछर ले करत हे। श्री गणेश स्व-सहायता समूह मनोरा द्वारा अभी तक 18 क्विंटल मछली बेच के 3.60 लाख रुपिया के आय अर्जित करे हे। एकर सफलता ल देख के अन्य समूह के महिला मन घलो अपन आजीविका ल बड़े रूप देहे ब आघू आत हे।