‘बिहान’ ह महिला मन के बदलिस तकदीर

महासमुंद, छत्तीसगढ़ राज्य म संचालित ग्रामीण आजीविका मिशन ‘‘बिहान’’ एक महत्वाकांक्षी योजना हे। ‘‘बिहान’’ योजना महिला मन ल आर्थिक तौर म सशक्त बनाए के एक अजब पहल ये। ये योजना ले महिला मन ल आत्मनिर्भर बनाए बर स्व-सहायता समूह मन ल कौशल विकास उन्नयन के प्रशिक्षण देहे जात हे। जेखर से महिला मन स्वरोजगार प्राप्त करके आर्थिक रूप ले सशक्त हो सकयं।
‘‘बिहान’’ योजना ले जुड़इया महिला स्व-सहायता समूह ल आर्थिक रूप ले सशक्त बनाए बर जिला प्रशासन कोति ले घलोक भरपूर सहयोग करे जात हे। एखर खातिर ओ मन ल एक निश्चित प्लेटफॉर्म उपलब्‍ध कराए जात हे, ताकि ओ मन अपन बनाए चीज मन ल आसानी ले बेंच सकयं। प्रशासन के माध्यम ले महिला स्व-सहायता समूह के बनाए कई ठन चीज मन ल स्कूल, ऑगनबाड़ी, आश्रम-छात्रावास के अलावा आन विभाग मन म घलोक सप्लाई करे जात हे। जेखर से स्व-सहायता समूह के महिला मन के आर्थिक स्थिति अऊ सुदृढ़ हो सकय।