बीजापुर : जिला म बीजादूतीर स्वयंसेवक कोति ले स्तनपान बर जागरूकता अभियान

बीजापुर, बीजादूतीर के स्वयंसेवक गर्भवती माता मन ल स्तनपान के महत्व ल बताय अऊ स्तनपान बर जागरूकता खातिर अभियान चलावत हें। जानबा कि स्तनपान शिशु के जीवन बर जरूरी हे, काबर के मां के दूध सुपाच्य होथे अऊ एखर से पेट के गड़बड़ी के आशंका नइ होनवय। मां के दूध शिशु के प्रतिरोधक क्षमता बढ़ाय म घलोक सहायक होथे। स्तनपान ले दमा अऊ कान के बीमारी उपर नियंत्रण कायम होथे काबर के मां के दूध शिशु के नाक अऊ गला म प्रतिरोधी त्वचा बना देथे। स्तनदूध आप मन के शिशु बर सबले बढ़िया हे। स्तनपान ले न केवल शिशु ल पोषण मिलथे भलुक ये अऊ कई तरीका ले शिशु बर फायदेमंद हे। स्तनदूध शिशु म वो सब हे, जेकर जरुरत शिशु के विकास म जरूरी हे। जिला म कुपोषण के दर कम करे बर महिला बाल विकास विभाग सरलग उदीमरत हे। जच्चा- लइका के पोषण बर कई जरूरी काम विभाग कोति ले करे जात हे बीजादूतीर स्वयंसेवक मन पोषक माता मन ले गृह भेट करके स्तनपान के तरीका अऊ फायदा ल बताय के उदीम करत हें। आंगनवाड़ी केंद्र तक पोषक माता मन ल लाभ पहुंचाए के काम अऊ सही भोजन लेहे बर घलोक जागरूक करत हें।