मुख्यमंत्री ह बीजापुर जिला ल देंहीं 328 करोड़ रूपिया के विकास काम मन के सौगात

बीजापुर, 09 जनवरी 2021। मुख्यमंत्री श्री भूपेश बघेल 10 जनवरी के बीजापुर दउरा म रइहीं, ये बेरा म उमन जिला के रहवईया मन ल 328 करोड़ रूपिया लागत के विकास काम मन के सौगात देंहीं। जेमां 241 करोड़ 75 लाख रूपिया लागत के 72 विकास काम मन के भूमिपूजन अऊ 86 करोड़ 74 लाख रूपिया लागत के 54 विकास काम मन के लोकार्पण सामिल हे।
ये बेरा म मुख्यमंत्री श्री बघेल बीजापुर म स्‍वामी आत्मानंद इंग्लिश मीडियम स्कूल के लोकार्पण करहीं, ओ मन उहें महादेव तालाब संग लोहा डोंगरी पार्क अऊ शहरी गौठान बीजापुर के अवलोकन करहीं। एखर संगेच मुख्यमंत्री श्री भूपेश बघेल कई ठन संगठन के पदाधिकारी, समाज प्रमुख, जनप्रतिनिधि अऊ युवा मन ले भेंट करके चर्चा करहीं। मुख्यमंत्री ह दूरस्थ अबुझमाड़ ईलाका के गांव मन ल जोड़े बर 37 करोड़ 92 लाख रूपिया बेदरे-लंका मार्ग म इन्द्रावती नदी म उच्‍च स्तरीय पुल निर्माण संग पिनकोण्डा तालनार मार्ग म मरी नदी म 11 करोड़ रूपिया के लागत ले पुल निर्माण काम के भूमिपूजन तको करहीं। एखर संगेच कोएनार-एरमनार ले तोयनार सड़क निर्माण, 5 करोड़ 96 लाख के लागत ले टिकलेर ले रेड्डी सीमेंट कांक्रीट सड़क निर्माण, 34 करोड़ 13 लाख रूपिया के लागत ले 15 ग्रामीण सड़क मन के निर्माण, 37 करोड़ 9 लाख रूपिया के लागत ले भोपालपटनम-तारलागुड़ा डामरीकृत सड़क निर्माण काम, 1 करोड़ 75 लाख रूपिया के लागत ले गुड़साकाल स्टापडेम निर्माण, 1 करोड़ 64 लाख रूपिया के लागत ले मोदकपाल एनीकट निर्माण 2 करोड़ 51 लाख रूपिया के लागत ले मूसालूर म 3.15 एमव्हीए 33/11 केव्ही विद्युत उपकेन्द्र निर्माण काम के घलोक भूमिपूजन करहीं।
श्री भूपेश बघेल ह जउन काम मन के लोकार्पण करहीं तेमा ले प्रमुख विकास काम मन म मुख्यमंत्री मंजरा-टोला विद्युतीकरण योजनातंर्गत 15 करोड़ 96 लाख रूपिया के लागत ले 72 गांव के 160 बसाहट मन म विद्युतीकरण करके 3859 परिवार ल निःशुल्क बिजली कनेक्शन प्रदाय, 1 करोड़ 6 लाख रूपिया के लागत ले बीजापुर के शासकीय कन्या उच्चतर माध्यमिक विद्यालय के स्‍वामी आत्मानंद उत्कृष्ट अंगरेजी माध्यम स्कूल उन्नयन संग बीजापुर, भैरमगढ़ अऊ भोपालपटनम ब्लाक म 15 करोड़ 64 लाख रूपिया के लागत ले अधिकारी-कर्मचारी घर निर्माण, 2 करोड़ 59 लाख रूपिया के लागत ले 36 पुलिया निर्माण, 2 करोड़ 47 लाख रूपिया के लागत ले धान खरीदी केन्द्र मन म चबूतरा निर्माण, 1 करोड़ 35 लाख रूपिया के लागत ले मद्देड़ म तेन्दूपत्ता गोदाम निर्माण, 2 करोड़ 8 लाख रूपिया के लागत ले भोपालपटनम म आईटीआई भवन निर्माण, 14 करोड़ 71 लाख रूपिया के लागत ले कुटरू-बेदरे डामरीकृत सड़क, एक करोड़ 68 लाख रूपिया के लागत ले चेरपल्ली-यापला सड़क निर्माण आदि काम सामिल हे।