रायपुर, मुख्यमंत्री श्री भूपेश बघेल ह बीजापुर जिला के भैरमगढ़ थाना क्षेत्र के अंतर्गत केशकुतूल गांव म आज भिनसरहा होए नक्सली हिंसा के कड़ा निंदा करे हें। उमन मुठभेड़ म शहीद सीआरपीएफ के तीन जवान मन अऊ एक बालिका के मृत्यु म गहरी संवेदना व्यक्त करत घायल मन ल जल्दी चिकित्सा सहायता देहे के निर्देश दीन।
आप मन जातेच हव कि नक्सली मन ह इहां एम्बुश के माध्यम ले घात लगाके हमला करे रहिन अऊ फायरिंग करे रहिन। नक्सली घटना के चपेट म आए ले एक बालिका घलोक घायल हो गए हे। जेखर इलाज चिकित्सालय म करे जात हे। ए घटना उपर राज्यपाल श्रीमती आनंदीबेन पटेल ह घलव गहरा दुख व्यक्त करे हें। राज्यपाल ह शहीद जवान मन अऊ बालिका ल श्रद्धांजलि अर्पित करत ऊंखर परिजन मन के प्रति गहरी संवेदना व्यक्त करे हें। उमन नक्सली हमला म घायल मन के शीघ्र स्वास्थ्य लाभ के कामना करे हें।
