बीजापुर : मनरेगा के मजदूरी के भुगतान के नकद निकासी दुवारी म

बीजापुर, जिला प्रशासन ह बैकिंग सुविधा के विस्तार अऊ जागरूकता बर सरलग उदीम करत हे, कलेक्टर श्री राजेन्द्र कटारा के ये उदीम अब रंग लाए लगेे हे। 66 ग्राम पंचायत मन म एयरटेल पेमेंट बैंक अऊ बीसी सखी के माध्यम ले बैंकिग सेवा पहुंचाए जात हे, एखर माध्यम ले गांव वाले मन ल गांव म घर पहुंचा के नकद भुगतान के सुविधा मिलत हे। 8 ग्राम पंचायत के आंकड़ा ल गौर करव त पाछू 2 महिना म करीबन 8 लाख रूपिया के मनरेगा मजदूर के खाता म आए राशि ल उंखर गांव -घर म ही नकद निकासी के सुविधा देहे गए। जेखर सेती मनरेगा म काम करे बर ग्रामीण जाबकार्डधारी परिवार के रूझान देखे ल मिलत हे।
ए 8 ग्राम पंचायत कोडोली, कोमपल्ली, चिन्नाकवाली, चिन्नाकोडेपाल, पैंकरम, पामगल, मेटोपल्ली अऊ इलमिड़ी म बैकिंग सुविधा नइ होए अऊ बैंक जाके राशि निकाले म दिन निकल जाय जइसे समस्या आत रहिस। एयरटेल पेमेंट बैंक अऊ बीसी सखी के माध्यम ले बैंकिग सेवा प्रणाली आधार बेस पेमेंट के चलते अब बीसी सखी मन मनरेगा मजदूर के खाता म आए पईसा ल ऊंखर गांव -घर म ही नकद निकासी के सुविधा देवत हें।
ग्राम पंचायत कोडोली के बीसी सखी श्रीमती प्रियंका पाडे बताथे कि वो ह अभी तक कुल एक लाख रूपिया मनरेगा मजदूर मन ल नकद भुगतान करे हे। मजदूर गांवे म ही नकद राशि प्राप्त करके अड़बड़ खुस हे। पहिली ए मन ल पईसा निकाले 13 किलोमीटर भैरमगढ़ जाना परत रहिस। श्रमिक मन के चेहरा म खुसी देखके मोला घलोक ये काम करे म बहुत संतुष्टि मिलथे।