खीरा, ककड़ी, तरबूज, लौकी जइसे फसल ले खेती म आइस हरियाली

बीजापुर, छत्तीसगढ़ सरकार के करजामाफी योजना सिरिफ किसान मन ल करजा ले मुक्ति ही नइ देवाए हे भलुक ये योजना ले किसान मन के समृद्धि के मार्ग प्रशस्त होए हे किसान आज करजामाफी ले लाभान्वित होके आर्थिक गतिविधि मन ल संचालित करत हें अऊ आर्थिक उन्नति कोति आगू बढ़त हें। अइसनहे एक प्रगतिशील कृषक भोपालपटनम के अफजल खान के बारे म हमला जाने ल मिलीस। अफजल खान बताइस कि ओखर परिवार के कुल 15 एकड़ कृषि भूमी भोपालपटनम म हे। किसान बताइस कि 20-25 बछर ले वो ह किसानी करत हे पहिली वो ह सिरिफ धान के खेती करत रहिस। थोक-बहुत मक्का अऊ मूंग बोंत रहिस फेर आमदनी सीमित होत रहिस। वो ह बताईस के प्रदेश के मुखिया श्री भूपेश बघेल के करजामाफी योजना ले मोला प्रत्यक्ष लाभ होइस 5 लाख ले जादा के करजा माफ होए ले मोला बहुत बड़ राहत मिलीस अऊ मै ह अपन खेत म दू बोरवेल्स कराएंव पहिली सिंचाई के साधन नइ होए म धान के फसले उपर निर्भर रहेन फेर अब बोरवेल्स ले भरपूर पानी सिंचाई बर उपलब्‍ध हे।
अभी हाल समय म अफजल खान उद्यानिकी फसल लेवत हे, जेमां ग्राफ्टेड बैंगन एक एकड़ म, खीरा दू एकड़ म, लौकी एक एकड़ म अउ तरबूज 8 एकड़ म बोए हे, जिला प्रशासन अऊ उद्यानिकी विभाग कोति ले मल्चिंग, ड्रीप एरिगेशन, बैगन के पौधा, उन्नत किसिम के बीज के अलावा समय-समय म तकनीकी मार्गदर्शन देहे जात हे। उहें जैविक कृषि ल बढ़ावा देवत गौठान ले बने वर्मी खाद अउ अपन बनाए वर्मी खाद के उत्पादन करके फसल म उपयोग करत हे।