- बीजापुर म करीबन 40 करोड़ रूपिया बोनस के रुप मे किसान मन ल मिलही
- मुख्यमंत्री श्री बघेल ह राजीव गांधी किसान न्याय योजना वीडियो कांफ्रेंसिंग के संग करिन शुभारंभ
बीजापुर, दिनांक 21 मई 2020। प्रदेश के मुख्यमंत्री श्री भूपेश बघेल ह आज भारत के पूर्व प्रधानमंत्री स्व राजीव गांधी के पुण्यतिथि के अवसर म किसान न्याय योजना के वीडियो कांफ्रेंसिंग के संग शुभारंभ करिन। भारतीय राष्ट्रीय कांग्रेस अध्यक्ष सोनिया गांधी, श्री राहुल गांधी अउ श्री बघेल ह सबो जिला मन म वीडियो कांफ्रेंसिंग के माध्यम ले बातचीत करिन अऊ कुछ जिला मन के किसान मन ले बातचीत करत जानकारी लीन। बीजापुर जिला म 09 हजार 878 किसान मन ल एकर फायदा मिलही। जिला म करीबन 40 करोड़ रूपिया बोनस के रुप मे किसान मन ल मिलही। आज वीडियो कांफ्रेंसिंग म बस्तर विकास प्राधिकरण के उपाध्यक्ष अउ स्थानीय विधायक श्री विक्रम शाह मंडावी जिला पंचायत अध्यक्ष श्री शंकर कुड़ियम, कलेक्टर श्री के डी कुंजाम, जिला पंचायत सीईओ श्री पोषण लाल चंद्राकर अउ कृषि अधिकारी श्री एस कुशरे मौजूद रहिन।