बीजापुर, 7 दिसम्बर 2020। 17वीं राज्य स्तरीय एथलेटिक्स प्रतियोगिता के आयोजन रायपुर के स्वामी विवेकानन्द अंतराष्ट्रीय स्टेडियम कोटा म बीते 4 ले 5 दिसम्बर के आयोजित होए रिहिस। जेमां बीजापुर स्पोटर््स एकेडमी के दल शामिल होए रिहिस, जेमां पवन कुमार तेलम ह 100 मीटर म गोल्ड मेडल अऊ 200 मीटर म सिल्वर मेडल अऊ मंजू मोडियम ह 3000 मीटर म गोल्ड मेडल प्राप्त करिन। ए खिलाड़ी मन के संग बीएसए के प्रशिक्षक प्रेम कुमार रिहिस। कलेक्टर श्री रितेश कुमार अग्रवाल ह ए उपलब्धि बर उक्त खिलाड़ी मन ल बधाई देवत हुए खिलाड़ी मन के उज्जवल भविष्य के कामना करिन हे। बीजापुर स्पोटर््स एकेडमी के प्रभारी श्री सोपान कर्णेवाल ह ए बारे म बतइस कि जिला के ए खिलाड़ी मन के उक्त उपलब्धि ले अन्य खिलाड़ी मन ल घलो प्रोत्साहन मिलही। ए दिशा म अन्य खिलाड़ी मन ल उत्कृष्ट प्रदर्शन हेतु बेहतर प्रशिक्षण देहे जाही।
गुरतुर गोठ बर- भीषम वर्मा
