गरियाबंद। जिला म दर्दनाक सड़क हादसा होय हे. बताये जावत हे कि बाइक के ट्रेक्टर ट्राली ले भिड़त होगे। हादसा म दू लोगन के मउत होगे उहें दू घायल होगे। जबकि बाइक म एक 8 माह के दुधमुंहा लइका घलो सवार रिहिस जेन ल एक खरोंच तक नई आइस। मिले जानकारी के अनुसार एक बाइक म 5 लोगन सवार होके जावत रिहिस। इही दौरान पीपरछेड़ी थाना अंतर्गत क्षेत्र म बाइक एक ट्रेक्टर ट्रॉली ले टकरा गिस। ये हादसा म जोन दू लोगन के मउत होइस हे वो पति-पत्नी बताए जावत हे।
जानकारी के अनुसार देवपरसूली गांव के तिर वो बेरा होइस जब बाइक ट्रेक्टर ले टकरा गिस। बाइक म कुल 5 लोगन सवार रिहिस। जोन म एक पुरुष दू महिला अउ दू लइका शामिल हे। हादसा म एक पुरुष अउ एक महिला के मउत होगे हे जोन दुनो पति पत्नी रिहिस। उहें बाइक म सवार एक महिला अउ एक तीन साल के लइका ल चोंट आये हे। महिला के जबड़ा फ्रेक्चर होगे हे अउ लइका के सिर म चोंट आये हे फिलहाल दुनो के जिला अस्पताल म इलाज जारी हे।
