नेशनल हाईवे म यात्री बस ले टकराइस बाइक, पिता-पुत्र समेत तीन लोगन के मउत

महासमुंद, 27 अक्टूबर 2020। महासमुंद जिला म यात्री बस ले टक्कर के बाद बाइक सवार तीनो लोगन के मउत होगे। मृतक, पिता पुत्र अउ एक रिश्तेदार बताय जावत हे। जानकारी के अनुसार हादसा नेशनल हाईवे 53 म कोडार-खल्लारी मंदिर के पास होइस। हादसा के सूचना के बाद मउका म पहुंचीस तुमगांव पुलिस ह शव ल बरामद करिन हे। बाइक चालक गोपीचंद ध्रुव (42) बेमचा, भगवती ध्रुव (18 ) अउ तेजुराम ध्रुव (65) के मउत होय के खबर बताय जावत हे। पुलिस मर्ग कायम करके मामला के जांच करत हे। हादसा ल लेके अभी ज्यादा जानकारी नई मिल पाय हे। प्रत्यक्षदर्शी मन के अनुसार तेज रफ्तार बाइक अनियंत्रित होके सीधा बस म जा भिड़ीस। उहें गिरे ले तीनों लोगन के मउत होगे।