रायपुर, 26 अप्रैल 2024। ए बछर टिकरापारा म सरलग गाड़ी चोरी के रिपोट थाना लिखावत रहिस, ये घटना ल गंभीरता ले लेत वरिष्ठ पुलिस अधीक्षक संतोष कुमार सिंह ह अज्ञात आरोपी मन के पता तलाश करके चोरी गे वाहन ल बरामद करे अऊ अज्ञात आरोपी मन ल गिरफ्तार करे के हुकुम देहे गीस। प्रकरण के गंभीरता ल ध्यान म रखत अकतहा पुलिस अधीक्षक पश्चिम दौलत राम पोर्ते, नगर पुलिस अधीक्षक पुरानीबस्ती राजेश देवांगन के हुकुम म थाना प्रभारी टिकरापारा निरीक्षक दुर्गेश रावटे ह थाना ले अलग से टीम तैयार करके चोरी गे वाहन अउ अज्ञात आरोपी मन के तलाश करे के काम सुरू करिस। घटना स्थल म लगे सीसीटीव्ही कैमरा के फुटेज ल खंघाले गीस अऊ सरलग फुटेज के आधार म जुन्ना चोरी के मामला म गिरफ्तार आरोपी मन के जानकारी सकेल के उनंकर उपर सरलग निगाह रखके मुखबीर मन ले पूछताछ करे गीस। अड़बड़ खोज बीन के बाद पांच आरोपी अउ चोरी गए बाईस वाहन जप्त करे गीस।
