रायपुर, 25 फरवरी 2021। मुख्यमंत्री श्री भूपेश बघेल के उदीम के चलते 01 मार्च ले बिलासपुर ले दिल्ली अऊ नई दिल्ली ले बिलासपुर बर विमान सेवा शुरू हो जाही। एयर एलायंस के टेस्टिंग फ्लाईट विमान के आज बिलासपुर के चकरभाटा एयरपोर्ट म पहिली आगमन होइस। मुख्यमंत्री श्री भूपेश बघेल ह कहिन कि आज बिलासपुर एयरपोर्ट के रन-वे टेस्टिंग फ्लाईट के पहिली आगमन हम सब बर खुसी के विसय हे। मुख्यमंत्री ह ये घलोक कहिन के बिलासपुर के ये एयरपोर्ट अब बिलासा देवी केंवट एयरपोर्ट के नाम ले जाने जाही। मुख्यमंत्री श्री भूपेश बघेल ह छत्तीसगढ़ मछुआरा समाज अऊ मछुआ कल्याण बोर्ड के अध्यक्ष श्री एम. आर. निषाद के आग्रह म ये एयरपोर्ट के नामकरण बिलासा बाई केंवटिन के स्थान म बिलासा देवी केंवट करे के सहमति देहे हें।
बिलासपुर एयरपोर्ट के रन-वे म टेस्टिंग फ्लाईट उतरिस: 01 मार्च ले बिलासपुर ले दिल्ली शुरू होही विमान सेवा
