बिलासपुर, 15 अगस्त 2020। बिलासपुर जिला म 15 अगस्त के आजादी के पर्व उछाह ले मनाए गीस। बिलासपुर जिला मुख्यालय के पुलिस ग्राउण्ड म आयोजित मुख्य समारोह म उच्च शिक्षा, खेल अऊ युवा कल्याण मंत्री श्री उमेश पटेल ह ध्वजारोहण करिन।
समारोह म श्री पटेल ह मुख्यमंत्री के प्रदेश के जनता के नाम संदेश के वाचन करिन। मुख्य अतिथि ह शांति के चिनहा कबूतर अऊ उल्लास के चिनहा गुब्बारा उड़ाइन। ये मौका म कोराना महामारी ले निपटने बर उत्कृष्ट काम करइया कोरोना वारियर्स, के कार्यकता, एन.जी.ओ. ल प्रशस्ति पत्र प्रदान करके सम्मानित करे गीस। कोविड 19 संक्रमण के रोकथाम बर दिन रात काम करइया स्वास्थ्य विभाग के अमला के सम्मान करत मुख्य चिकित्सा अऊ स्वास्थ्य अधिकारी डॉ. प्रमोद महाजन ल शील्ड प्रदान करिन। समारोह म सशस्त्र पुलिस बल सकरी, जिला पुलिस बल पुरूष अऊ जिला पुलिस बल महिला, जिला होम गार्ड पुरूष अऊ जिला होम गार्ड महिला के टुकड़ी सामिल होइस।
