मुख्यमंत्री श्री भूपेश बघेल ह करिस बिलासपुर अउ अंबिकापुर म रीजनल सी-मार्ट के वर्चुअली उद्घाटन

रायपुर, मुख्यमंत्री श्री भूपेश बघेल ह आज विधानसभा स्थित अपन कार्यालय ले बिलासपुर अउ अंबिकापुर म रीजनल सी-मार्ट के वर्चुअली उद्घाटन करिन। मुख्यमंत्री ह एखर संगेच शहीद महेन्द्र कर्मा तेंदूपत्ता संग्राहक सामाजिक सुरक्षा योजना के अंतर्गत 863 संग्राहक परिवार ल 13 करोड़ 46 लाख 35 हजार रूपिया के सहायता अनुदान राशि अउ छात्रवृत्ति योजनांतर्गत 7566 छात्र-छात्रा मन ल 8 करोड़ 4 लाख 65 हजार रूपिया के छात्रवृत्ति राशि अंतरण करिन।
कार्यक्रम म स्वास्थ्य अउ परिवार कल्याण मंत्री श्री टी.एस. सिंह देव, वन अउर जलवायु बदलाव मंत्री श्री मोहम्मद अकबर, खाद्य मंत्री श्री अमरजीत भगत, लोक स्वास्थ्य यांत्रिकी मंत्री गुरू रूद्र कुमार, बिलासपुर विधायक श्री शैलेष पाण्डेय, प्रमुख सचिव वन श्री मनोज पिंगुआ, पीसीसीएफ श्री संजय शुक्ला, अपर प्रबंध संचालक लघु वनोपज श्री एस.एस. बजाज उपस्थित रहिन।