बिलासपुर: दू दिन के आयुष्मान कार्ड महाअभियान के आगाज

बिलासपुर, 13 फरवरी 2024। दू दिन के आयुष्मान कार्ड महाअभियान के शुरुआत आज ले होइस। बड़ संख्या म हितग्राही राशन दुकान म अपन आयुष्मान कार्ड बनवाए पहुंचत हें। आयुष्मान कार्ड बनाए बर करे गए ए व्यवस्था ले हितग्राही मन म खुशी देखे जात हे। कलेक्टर श्री अवनीश शरण ह आज शहर के राशन दुकान मन के निरीक्षण करके आयुष्मान कार्ड महाअभियान के जायजा लीन। उमन स्थानीय पार्षद मन ले घलोक सहयोग के अपील करिन। कलेक्टर ह हितग्राही मन ले चर्चा करके उंखर से जानकारी लीन। हितग्राही मन ह ए व्यवस्था बर जिला प्रशासन ल धन्यवाद दीन। कलेक्टर ह सबो ऑपरेटर ल पूरा तत्परता अऊ सतर्कता के संग करे के निर्देश दीन। निरीक्षण के समय नगर निगम कमिश्नर श्री अमित कुमार, डीपीएम पियुली मजूमदार घलोक संग म मौजूद रहिन।