बिलासपुर ल प्रदेश के अग्रणी जिला बनाबो : श्री साहू

लोक निर्माण मंत्री ह ग्राम घुरू म 62 लाख रूपिया के काम मन के लोकार्पण करिस
रायपुर, लोक निर्माण अऊ गृह मंत्री श्री ताम्रध्वज साहू ह आज बिलासपुर जिला के तखतपुर विकासखण्ड के ग्राम घुरू म करीबन 62 लाख रूपिया के लागत के 14 निर्माण काम मन के लोकार्पण करिस। ये बेरा म उमन कहिन कि बने ढंग ले काम करत बिलासपुर ल प्रदेश के अग्रणी जिला बनाबो।
लोक निर्माण मंत्री ह ग्राम घुरू म निर्मित 17 लाख के लागत के राजीव गांधी सेवा केन्द्र, 11 लाख के लागत के दू सामुदायिक भवन, सूर्यवंशी सामुदायिक भवन, मुख्यमंत्री पूर्ण विकास योजना के तहत 10.40 लाख रूपिया के लागत के 4 सीसी सड़क, 8.92 लाख रूपिया के लागत के व्यावसायिक परिसर, स्कूल म किचन शेड निर्माण, अकतहा कक्ष, ग्राम म नाली निर्माण संग सूर्यवंशी श्मशान मार्ग म सीसी सड़क अऊ एक आन सीसी सड़क के लोकार्पण करिस।
तखतपुर विधायक श्रीमती रश्मि सिंह ह कार्यक्रम के अध्यक्षता करिन। ग्राम के सरपंच श्री राजकपूर सूर्यवंशी ह स्वागत भाषण दीस। आभार प्रदर्शन श्री आशीष सिंह ठाकुर ह करिस। ये बेरा म बड़ संख्या म ग्रामीण उपस्थित रहिन।