बिलासपुर, मुख्यमंत्री श्री भूपेश बघेल ह स्मार्ट सिटी प्रोजेक्ट के तहत आज बिलासपुर शहरवासी मन ल फ्री वाई-फाई के सौगात दीन। स्व.श्री बी.आर.यादव प्रतिमा अनावरण समारोह म आज मुख्यमंत्री ह वाई-फाई सेवा लांच करके शहरवासी मन ल समर्पित करिन। एखरे संगेच उमन नगर-निगम बिलासपुर अऊ स्मार्ट सिटी कोति ले तियार करे गए बिलासपुर के अपन स्वच्छता गीत घलोक लांच करिन। शहरवासी मन ल फ्री वाई-फाई सेवा नेहरू चौक, स्वामी विवेकानंद उद्यान, रीव्हर व्यू रोड, मैग्नेटो मॉल तीर श्रीकांत वर्मा मार्ग, स्मृति वन, गोल बाजार, राजीव प्लाजा, टैगोर चौक ले गांधी चौक, पंडित दीनदयाल उद्यान अऊ पुलिस ग्राउण्ड म मिलही।
मुख्यमंत्री ह दीन बिलासपुर शहर ल फ्री वाई-फाई के सौगात
