बिलासपुर, 24 अगस्त 2021। चाकूबाजी करके लूटपाट करइया आरोपी मन ल बेलासपुर पुलिस ह धरे हे। 19 अगस्त के पल्लव भवन तीर शातिर बदमाश मन ह देवरीखुर्द निवासी अविनाश जायसवाल ल चाकू मारे रहिन अऊ मारपीट करके मोबाइल लूटे रहिन। दिनदहाड़े होए ये घटना ल पुलिस ह गंभीरता ले लेहे रहिस अऊ टीम गठित करके आरोपी मन के खोजबीन शुरू करे रहिस। पुलिस ह ये मामला म सरकंडा निवासी आरोपी सरफरोज खान ल हिरासत म लेके पूछताछ करिस। ओ ह अपन दू संगी मन के संग घटना ल अंजाम देना स्वीकार करिस। पुलिस ह आरोपी के कब्जा ले लूट के 7 मोबाइल जब्त करे हे। ये मामला म सरफरोज, शहजादी, मॉर्टिन अऊ एक नाबालिग ल हिरासत म लेहे गए हे।
लूटपाट मामला म बिलासपुर के शहजादी संग आन आरोपी गिरफ्तार, चाकू अड़ा के देवत रहिन वारदात ल अंजाम
