बिलासपुर, 18 मार्च 2021। महात्मा गांधी राष्ट्रीय ग्रामीण रोजगार गारंटी अधिनियम मनरेगा के अंतर्गत जरूरत मंद मन ल रोजगार देहे म बिलासपुर जिला के राज्य म अव्वल स्थान हे। जिला म चालू वित्तीय बछर म 15 मार्च 2021 तक लक्ष्य के विरूद्ध 133 फीसदी अधिक मानव दिवस रोजगार सृजित करे गीस।
मनरेगा के तहत् जिला म ये बछर 62 लाख मानव दिवस रोजगार सृजन के लक्ष्य रखे गए हे। जेखर विरूद्ध 15 मार्च तक 82 लाख 59 हजार 831 मानव दिवस म रोजगार सृजन करे गए हे। जिला के विकासखण्ड बिल्हा म 19 लाख 40 हजार 345 मानव दिवस म रोजगार सृजन करे गए हे। इही तरह विकासखण्ड कोटा म 21 लाख 7 हजार 634 मानव दिवस, विकासखण्ड मस्तूरी म 21 लाख 90 हजार 343 मानव दिवस अऊ विकासखण्ड तखतपुर म 20 लाख 21 हजार 509 मानव दिवस म रोजगार सृजित करे गए हे। ये तरह पाछू बछर के मुकाबला 27 लाख 37 हजार ले जादा मानव दिवस म रोजगार सृजन करे गीस।
योजना के तहत् बछर 2019-20 म 18 हजार 743 परिवार मन ल 100 दिन के रोजगार उपलब्ध कराये गए रहिस, उहें ये बछर 15 मार्च तक 27 हजार 806 परिवार मन ल 100 दिवस के रोजगार प्राप्त होइस। कोटा विकासखण्ड म सर्वाधिक 7 हजार 793 परिवार मन ल 100 दिवस के रोजगार मिलिस। विकासखण्ड तखतपुर के 7 हजार 269 परिवार, विकासखण्ड मस्तुरी के 6 हजार 980 परिवार अऊ विकासखण्ड बिल्हा के 5 हजार 764 परिवार मन ल 100 मानव दिवस के रोजगार उपलब्ध होइस।
