न्यायधानी बिलासपुर ल एक अऊ नवा विमान सेवा के मिलीस सौगात: मुख्यमंत्री श्री भूपेश बघेल

रायपुर, छत्तीसगढ़ के न्यायधानी बिलासपुर आज मध्यप्रदेश के आर्थिक राजधानी इंदौर ले एयर कनेक्टिविटी ले जुड़ गे। न्यायधानी बिलासपुर ल बिलासपुर-इंदौर-बिलासपुर नवा विमान सेवा के रूप म एक बड़का सौगात मिले हे। मुख्यमंत्री श्री भूपेश बघेल अऊ केन्द्रीय नागरिक उड्डयन मंत्री श्री ज्योतिरादित्य सिंधिया ह बिलासपुर-इंदौर-बिलासपुर विमान सेवा के वर्चुअल शुभारंभ करिन। मुख्यमंत्री श्री बघेल ह राजधानी रायपुर स्थित अपन निवास कार्यालय ले अऊ केन्द्रीय मंत्री श्री सिंधिया नई दिल्ली ले हरियर झण्डी देखा के फ्लाईट ल बिलासा देवी केंवट हवाई अड्डा चकरभांटा बिलासपुर ले रवाना करिन।
ए कार्यक्रम म मध्यप्रदेश शासन के जल संसाधन मंत्री श्री तुलसी सिलावट अऊ सांसद इंदौर श्री शंकर लालवानी, इंदौर ले जुडि़न। बिलासपुर एयरपोर्ट म संसदीय सचिव डॉ. रश्मि सिंह, सांसद बिलासपुर श्री अरूण साव, विधायक श्री धरमलाल कौशिक, श्री शैलेष पाण्डेय, महापौर श्री रामशरण यादव, जिला पंचायत बिलासपुर के अध्यक्ष श्री अरूण चौहान, अपेक्स बैंक के अध्यक्ष श्री बैजनाथ चंद्राकर, पर्यटन मंडल के अध्यक्ष श्री अटल श्रीवास्तव, जिला सहकारी बैंक बिलासपुर के अध्यक्ष श्री प्रमोद नायक, कृषि उपज मंडी बोर्ड के अध्यक्ष राजेन्द्र शुक्ला संग बहुत अकन जनप्रतिनिधि उपस्थित रहिन। मुख्यमंत्री निवास म सचिव विमानन श्री सिद्धार्थ कोमल सिंह परदेशी अऊ संचालक विमानन श्री एन.एन. एक्का उपस्थित रहिन।