रायपुर, छत्तीसगढ़ के नगर पंचायत बिल्हा ह स्वच्छता के क्षेत्र म ऐतिहासिक उपलब्धि हासिल करत स्वच्छता सर्वेक्षण 2024–25 म 20,000 ले कम आबादी वाले शहर मन के श्रेणी म पूरा भारतवर्ष म पहिली जगा पाए हे। ए उपलब्धि बर दिनांक 17 जुलाई 2025 के नई दिल्ली स्थित विज्ञान भवन म आयोजित भव्य पुरस्कार समारोह म भारत के महामहिम राष्ट्रपति श्रीमती द्रौपदी मुर्मू ह बिल्हा नगर पंचायत ल सम्मानित करे रहिन। आज एखर गौरवशाली उपलब्धि के प्रतिध्वनि ‘मन के बात’ के राष्ट्रीय मंच तक पहुँचिस, जब प्रधानमंत्री श्री नरेंद्र मोदी जी ह अपन मासिक रेडियो कार्यक्रम ‘मन के बात’ के 124वां संस्करण म बिल्हा नगर पंचायत के महिला मन कोति ले करे गए नवाचार अऊ श्रम के उल्लेख करत सराहना करिन।
बिल्हा ह देशभर म बढ़ाइस छत्तीसगढ़ के मान – स्वच्छता म देशभर म पहिली, ‘मन के बात’ म प्रधानमंत्री श्री नरेंद्र मोदी ह करिन सराहना
