पंचतत्व म विलीन हो गीस श्रीमती बिंदेश्वरी देवी बघेल

• मुख्यमंत्री श्री भूपेश बघेल ह दीन मुखाग्नि
• गमगीन माहौल म दे गीस आखरी विदाई

रायपुर, मुख्यमंत्री श्री भूपेश बघेल के माता श्रीमती बिंदेश्वरी देवी बघेल के आज भिलाई-तीन के उमदा रोड स्थित मुक्तिधाम म गमगीन माहौल म अंतिम संस्कार करे गीस। बड़ संख्या म मनखे मन ह भींजे आंखी ले ओ मन ल आखरी विदाई दीन। मुख्यमंत्री श्री भूपेश बघेल ह विधि-विधान के संग अपन महतारी ल मुखाग्नि दीन। श्रीमती बिंदेश्वरी देवी बघेल के अंतिम यात्रा भिलाई-तीन स्थित मुख्यमंत्री निवास ले निकलिस।

अंतिम यात्रा म बड़ संख्या म बड़े, बुजुर्ग, युवा अउ महिला मन सामिल होइन। आज भिनसरहा भिलाई-तीन स्थित मुख्यमंत्री निवास

म स्वर्गीय बिंदेश्वरी देवी बघेल के पार्थिव शरीर ल आम मनखे मन के दर्शनार्थ रखे गए रहिस। छत्तीसगढ़ उच्‍च न्यायालय के मुख्य न्यायाधीश श्री पी.आर.रामचंद्र समेत बहुत अकन गणमान्य मनखे मन ह उंखर पार्थिव काया म पुष्पांजलि अर्पित करके ओ मन ल श्रद्धांजलि दीन। दुःख के ए घड़ी म मनखे मन ह मुख्यमंत्री श्री बघेल, ऊंखर पिता श्री नंद कुमार बघेल अउ ऊंखर शोकाकुल परिवार ले मुलाकात करके उमन ल ढांढस बंधाइन।

श्रीमती बिंदेश्वरी देवी के अंतिम यात्रा म मध्यप्रदेश के मुख्यमंत्री श्री कमलनाथ, प्रदेश के विधानसभा अध्यक्ष डॉ. चरणदास महंत, लोक निर्माण मंत्री श्री ताम्रध्वज साहू, पंचायत अउ ग्रामीण विकास मंत्री श्री टी.एस. सिंहदेव, वन मंत्री श्री मोहम्मद अकबर, नगरीय प्रशासन मंत्री डॉ. शिव डहरिया, कृषि मंत्री श्री रवीन्द्र चौबे, खाद्य मंत्री श्री अमरजीत भगत, उच्‍च शिक्षा मंत्री श्री उमेश पटेल, लोक स्वास्थ्य यांत्रिकी मंत्री श्री गुरू रूद्र कुमार, स्कूल शिक्षा मंत्री डॉ. प्रेमसाय सिंह, राजस्व मंत्री श्री जय सिंह अग्रवाल, वाणिज्य कर अउ उद्योग मंत्री श्री कवासी लखमा, महिला अउ बाल विकास अउ समाज कल्याण मंत्री श्रीमती अनिला भेड़िया, नेता प्रतिपक्ष श्री धरमलाल कौशिक, पूर्व मुख्यमंत्री डॉ. रमन सिंह, अविभाजित मध्यप्रदेश के पहिली मुख्यमंत्री श्री दिग्विजय सिंह, राज्य सभा सांसद श्रीमती छाया वर्मा, कुर्मी समाज के केन्द्रीय अध्यक्ष श्री रामकुमार सिरमौर, विधायकगण समेत बड़ संख्या म मनखे सामिल होइन। दिवंगत आत्मा के शांति बर दू मिनट के मौन रखे गीस।