रायपुर, इंदिरा गांधी कृषि विश्वविद्यालय कोति ले राज्य शासन के कृषि विभाग के सहयोग ले अक्षय तृतीया के अवसर प्रदेश के कई ठन जिला मन म संचालित जम्मो महाविद्यालय, अनुसंधान केन्द्र अउ कृषि विज्ञान केंद्र मन म अक्ती तिहार के आयोजन करे जाही। अक्ती तिहार के अवसर म किसान मन ल उन्नत बीज, पौध सामान अउ उन्नत कृषि यंत्र के वितरण के संगेच राज्य शासन के नरवा, गरूवा, घुरवा अऊ बाड़ी योजना के तहत स्थापित गौठान मन म बने कम्पोस्ट ल बायोफर्टिलायजर ले समृद्ध बनाए के काम घलोक करे जात हे। इही कड़ी म कई कृषि महाविद्यालय मन अउ कृषि विज्ञान केन्द्र मन ह अपन-अपन जिला के गौठान मन म वर्मिकम्पोस्ट ल समृद्ध बनाए बर गौठान समिति मन ल प्रशिक्षण देवत हे।
जानबा कि गौठान मन म बने जैविक खाद, वर्मिकम्पोस्ट म पोषक तत्व के मात्रा प्राकृतिक रूप ले बढ़ाए अउ रासायनिक उर्वरता कम करे बर इंदिरा गांधी कृषि विश्वविद्यालय अउ छत्तीसगढ़ बायोटेक्नोलॉजी प्रमोशन सोसायटी के संघरा उदीम ले प्रभावी मित्र सूक्ष्म जीव मन संग उर्वरा शक्ति नामक तरल जैविक कल्चर तियार करे गए हे, जेखर उपयोग ले मिट्टी के गुणवत्ता म सुधार होही अऊ पोषक तत्व मन के मात्रा बाढ़ही, एकरे संग रासायनिक खाद के जरूरत म कमी आही। ए जैव उर्वरक मन म राइजोबियम कल्चर, फास्फोरस सोल्यूब्लाईजिंग बैक्टीरिया कल्चर, एजोस्पाइरिलम, जिंक सोल्यूब्लाईजिंग बैक्टीरिया कल्चर अउ पोटेशियम सोल्यूब्लाईजिंग बैक्टीरिया कल्चर सामिल हे। इंदिरा गांधी कृषि विश्वविद्यालय अउ छत्तीसगढ़ बायोटेक्नोलॉजी प्रमोशन सोसायटी के संघरा उदीम म 15 हजार लीटर बायोफर्टिलायजर के वितरण गौठान मन म तियार वर्मिकम्पोस्ट ल समृद्ध बनाए बर करे जात हे। ये कल्चर के उपयोग के प्रशिक्षण देहे बर कई कृषि विज्ञान केन्द्र मन के सहयोग ले गौठान मन म प्रशिक्षण कार्यक्रम के आयोजन करे जात हे, जेमां गौठान समिति मन के सदस्य मन के संगें-संग महिला स्व-सहायता समूह के सदस्य घलोक शमिल होवत हें।
Rhizobium culture, Phosphorus solubilizing bacteria culture, Azospirillum, Zinc solubilizing bacteria culture and Potassium solubilizing bacteria culture