राष्ट्रसेवा, संगठन निरमान अउ जनकल्याण बर समर्पित रहिस कुशाभाऊ ठाकरे जी के पूरा जिनगी : मुख्यमंत्री श्री विष्णु देव साय
सादगी, अनुशासन अउ कार्यकर्ता मन बर मया-दुलार ह ओमन ला बनाइस सार्वजनिक जिनगी के आदर्श : मुख्यमंत्री श्री साय
रायपुर, मुख्यमंत्री श्री विष्णु देव साय ह काली राजधानी रायपुर स्थित मुख्यमंत्री निवास म स्वर्गीय श्री कुशाभाऊ ठाकरे के जयंती के मउका म उंकर छायाचित्र म फूलमाला चघाके श्रद्धापूर्वक नमन करिन। मुख्यमंत्री ह श्री ठाकरे के व्यक्तित्व अउ काम-बूता ला सुरता करत देस अउ समाज बर उंकर योगदान ला सुरता करिन।
मुख्यमंत्री श्री साय ह कहिन के स्वर्गीय श्री कुशाभाऊ ठाकरे के पूरा जिनगी राष्ट्रसेवा, संगठन निरमान अउ जनकल्याण बर समर्पित रहिस। सादगी, अनुशासन, निष्ठा अउ सेवाभाव उंकर व्यक्तित्व के खास पहिचान रहिस। उन अपन आचरन अउ काम करे के ढंग ले सार्वजनिक जिनगी म ऊँच आदर्श स्थापित करिन।
मुख्यमंत्री ह कहिन के ओमन संगठन ला मजबूत बनाए के संग समाज के आखिरी मनखे तक पहुँचके उंकर सेवा ला सबले पहिली प्राथमिकता दीन। इही कारन हे के आज घलो उंकर जिनगी अउ विचार सार्वजनिक जिनगी म काम करइया मनखे मन बर प्रेरणा के स्रोत हे।
मुख्यमंत्री ह कहिन के श्री कुशाभाऊ ठाकरे के जयंती हमन ला उंकर आदर्श अउ जिनगी के मूल्य मन ले सीख लेहे के मउका देथे। देसहित ला सबले ऊपर रखके जनकल्याण बर समर्पित भाव ले काम करना ही उंखर बर सही सरधांजली होही।
मुख्यमंत्री श्री साय ह स्वर्गीय श्री कुशाभाऊ ठाकरे ला विनम्र सरधांजली अरपित करत प्रदेसवासी मन ले उंकर सेवा, समरपन अउ देसभक्ति के आदर्श ला अपनाके बिकसित अउ समृद्ध भारत बनाए म अपन योगदान देहे के गोहार लगाइन।
