मुख्यमंत्री महाप्रभु वल्लभाचार्य के जयंती म करिस नमन

रायपुर, नेहा राठौर के खबर/ मुख्यमंत्री श्री भूपेश बघेल ह पुष्टिमार्ग के संस्थापक महाप्रभु वल्लभाचार्य के 16 अपरेल के जयंती क अवसर म ओला नमन करिस। श्री बघेल ह कहिस के बइसाख महीना के अंधियारी पाख के एकादशी के दिन श्री वल्लभाचार्य जी के जनम छत्तीसगढ़ के चंपारण म होए रहिस हे। इंहा ल उंखर जुन्ना रिस्ता बन गए हे। भक्तिकालीन श्रीकृष्ण भक्ति शाखा के अग्रणी वल्लभाचार्य जी श्रीनाथ जी के अनन्य भक्त रहिन हे। ओ ह श्री कृष्ण के स्वरूप अउ लीला के बरनन(वर्णन) करत हुए कतको कन ग्रंथ के रचना करे हे। ओ ह पुष्टिमार्ग के रूप म श्रीकृष्ण के परेम अउ स्नेह ले परिपूर्ण भक्ति रस्ता ल देखाईस। पुष्टिमार्ग ल कतको झन मन अपनइस हे।उंखर प्रसिद्ध शिष्य सूरदास जी ह उंखर विरासत ल आघू बढ़इस अउ कृष्ण परेम क कतको ख रचना लिखे हे। श्री बघेल ह कहिन के वल्लभाचार्य जइसे महापुरूष के जनम ले छत्तीसगढ़ के धरती घलो धन्य होइस हे।