मुख्यमंत्री ह श्रीमती इंदिरा गांधी के जयंती म ऊंखर फोटू उपर माल्यार्पण करके ओ मन ल नमन करिन
रायपुर, 19 नवम्बर 2020। मुख्यमंत्री श्री भूपेश बघेल ह पूर्व प्रधानमंत्री श्रीमती इंदिरा गांधी के आज जयंती म अपन निवास कार्यालय म ऊंखर फोटू उपर माल्यार्पण करके विनम्र श्रद्धांजलि अर्पित करिन। नगरीय प्रशासन मंत्री डॉ. शिव डहरिया, राज्यसभा सांसद श्रीमती छाया वर्मा, राज्य गृह निर्माण मण्डल के अध्यक्ष श्री कुलदीप जुनेजा, राज्य महिला आयोग के अध्यक्ष श्रीमती किरणमयी नायक, महापौर श्री एजाज ढेबर, सभापति श्री प्रमोद दुबे ये बेरा म उपस्थिति रहिन।
मुख्यमंत्री श्री बघेल ह श्रीमती इंदिरा गांधी के देश के प्रति योगदान ल सुरता करत कहिन के इंदिराजी ह आजीवन गरीब अऊ समाज के कमजोर वर्ग मन के उत्थान बर प्रयास करिन अऊ देश के एकता अऊ अखण्डता के रक्षा बर अपन जीवन न्यौछावर कर दीन। उमन कहिन के श्रीमती गांधी ह दूरदृष्टि अऊ पक्का इरादा के संग देश ल नवा दिशा प्रदान करिन। चुनौतीपूर्ण परिस्थिति मन म देश के कुशलतापूर्वक नेतृत्व करत अंतर्राष्ट्रीय पटल म भारत ल प्रतिष्ठापूर्ण स्थान देवाइन। ऊंखर काम मन ल कभू भुलाए नइ जा सकय। छत्तीसगढ़ के ग्रामीण अऊ आदिवासी अंचल मन म इंदिरा जी ल आदर ले सुरता करे जाथे।