रायपुर, मुख्यमंत्री श्री भूपेश बघेल ह आज इहां अपन निवास कार्यालय म स्वतंत्रता संग्राम सेनानी स्वर्गीय श्री बिसाहू दास महंतकी जयंती म ऊंखर फोटू म फूल चढ़ा के ओ मन ल नमन करिन।
मुख्यमंत्री श्री बघेल ह स्वतंत्रता संग्राम सेनानी अऊ लोकप्रिय राजनेता स्वर्गीय श्री बिसाहू दास महन्त ल सुरता करत कहिन कि उंखर पूरा जीवन जनसेवा ले जुड़े रहिस। श्री महन्त ह अविभाजित मध्यप्रदेश म विधायक अऊ मंत्री के रूप म प्रदेश के विकास बर अपन अमूल्य सेवा दीन। हसदेव बांगो सिंचाई परियोजना ऊंखर सपना के साकार रूप हे। उमन मनखे मन के बेहतरी बर क्षेत्र म खेती-किसानी, सिंचाई अऊ सड़क मन के काम मन ल बखूबी अंजाम दीन। मुख्यमंत्री श्री बघेल ह कहिन कि स्वर्गीय श्री बिसाहू दास महन्त के आदर्श के जइसे नवा छत्तीसगढ़ के निर्माण बर राज्य सरकार संकल्पबद्ध हे। ऊंखर बताये जनकल्याण के मार्ग म चलके प्रदेश म विकास ल नवा आयाम देहे के दिशा म काम करे जात हे।
