धान खरीदी उपर भाजपा के 15 तारिक के पूरा प्रदेश म प्रदर्शन

रायपुर, भारतीय जनता पार्टी धान खरीदी ल लेके पूरा प्रदेश म 15 नवम्बर के दिन मंडल स्तर म प्रदर्शन करही। भाजपा प्रदेश अध्यक्ष विक्रम उसेंडी ह कहिस कि प्रदेश के कांग्रेस सरकार लगातार किसान विरोधी नीति अपनाके धान नइ खरीदत हे, जेखर हम पुरजोर विरोध करबो। प्रदेश म जब हमर सरकार रहिस त हर साल 15 नवम्बर ले ही धान खरीदी करे जात रहिस हे। फेर जब ले प्रदेश म कांग्रेस के सरकार आए हे अपन वादा के मुताबिक किसान मन के मांग ल पूरा नइ करत हे। अभी धान कटाई चलत हे अऊ किसान मन के धान बिचैलिया मन औने-पौने दाम म खरीदत हे। पहिली जइसन कांग्रेस सरकार ल 15 नवम्बर ले धान खरीदी करना चाही। अब बखत आ गए हे कि अपन वादा के मुताबिक कांग्रेस के सरकार ल किसान मन के धान खरीदी के मुद्दा म ठोस कदम उठाना चाही।