सूरजपुर, 16 जून 2020। छत्तीसगढ़ के सूरजपुर जिला म पिछला तीन दिन ले लापता बीजेपी नेता के हत्या कर दे गे हे. मंगलवार के बिहनिया ग्राम विशालपुर के रेडी पहरी चौक के तिर भाजता नेता शिवचरण के लाश टुकड़ा-टुकड़ा म बरामद होय हे. घटना के बाद ले इलाका म सनसनी फैल गे हे. घटना स्थल म स्थानीय ग्रामीण मन के जमावड़ा लगे हे. लाश मिले के सूचना के बाद मौका म भारी संख्या म पुलिस बल घलो पहुँच गे हे.
जानकारी के अनुसार बीजेपी नेता शिवचरण के बेटा ह शनिवार देर रात बिहारपुर क्षेत्र के पासल चौक म गोली मार के हत्या करे जाये के आशंका जतात हुए थाना म शिकायत करे रहिस. वो दिन ग्रामीण मन ल गोली चले के आवाज घलो सुनाई दे रहिस. पासल चौक के तिर भाजपा नेता के बाइक, कपड़ा, कागजात अउ खून के धब्बा मिले रहिस. जेखर बाद आज मंगलवार के शिवचरण के टुकड़ा-टुकड़ा म शव मिले हे. हत्या के पीछू काखर हाथ हो सकत हे? एखर पता नई चल सके हे. पुलिस हत्या के कारण अउ हत्यारा के तलाश म जुट गे हे.