रायपुर, 12 मई 2021। छत्तीसगढ़ म अभी कोरोना के कहर थम्हे घलोक नइ हे के एक नवा बीमारी ह बगरे लगे हे। छत्तीसगढ़ के मानकड़ी समाचार पोर्टल न्यू पावर गेम के मुताबिक रायपुर के एम्स म 15 अइसे मजीज मन ल भरती कराए गए हे जे मन म ब्लैक फंगल के प्रकोप हे। सुरूवाती जांच म ये बात पता चले हे के इन 15 ब्लैक फंगल के मरीज मन म 8 मरीज मन के आंखी म फंगल इंफेक्शन हे, जबकि बाकी मरीज मन शरीर के आन हिस्सा म संक्रमण हे। इन मरीज मन के बने सहिन जांच करे जात हे।
जानबा होए हे के प्रदेश के अलग-अलग जिला मन म घलव ब्लैंक फंगल के शिकार करीबन 5 मरीज मिले के जानकारी होए हे। हालांकि अभी ये बात ह बने सहिन परखर नई हो पाए हे। एती आज रायपुर एम्स म करीबन 15 ब्लैक फंगल संक्रमित मरीज मन के बारे म पते चले के बाद स्वास्थ्य विभाग ह ए बिमारी के बचाव के उदीम म लग गए हे।
छत्तीसगढ़ म अब ब्लैक फंगल के प्रकोप: एम्स म भर्ती होइन 15 मरीज
