रायपुर, 12 मई 2021। मुख्यमंत्री श्री भूपेश बघेल ह प्रदेश म ब्लैक फंगस के संक्रमण होए के जानकारी ल गंभीरता ले लेहे हे, उमन छत्तीसगढ़ के सबो जिला मन म ब्लैक फंगस के उपचार बर सबो जरूरी दवई के उपलब्धता सुनिश्चित कराए के निर्देश स्वास्थ्य विभाग के अधिकारी मन ल देहे हें।
जानबा हे के अभी हाल म छत्तीसगढ़ म ब्लैक फंगस के संक्रमण होए के जानकारी मिलत हे। जेखर रोकथाम बर पोसाकोनाजोल अऊ एम्फोटेरसिन-बी दवई मन के जरूरत होथे, जेकर सरलग अऊ विधिवत आपूर्ति बहुत जरूरी हे। मुख्यमंत्री के निर्देश के परिपालन म छत्तीसगढ़ के खाद्य अऊ औषधि प्रशासन नियंत्रक ह सबो जिला मन म पदस्थ औषधि निरीक्षक मन ल अपन जिला मन म औषधि पोसाकोनाजोल अऊ एम्फोटेरेसिन-बी (समस्त डोसेज फॉर्म, टेबलेट, सीरप, इंजेक्शन अऊ लाइपोसोमल इंजेक्शन) के उपलब्धता सुनिश्चित करे के निर्देश जारी करे हे।
खाद्य अऊ औषधि प्रशासन नियंत्रक ह औषधि निरीक्षक मन ल निर्देशित करे हे, के ओ मन अपन-अपन कार्यक्षेत्र के भीतर सबो होलसेलर, स्टॉकिस्ट, सीएंडएफ ले ए दवई मन के अभी हाल म उपलब्ध मात्रा के जानकारी रोजेच लेवयं। औषधि निरीक्षक अपन क्षेत्र के सबो औषधि प्रतिष्ठान मन ल ये संबंध म जरूरी निर्देश जारी करयं।
ब्लैक फंगस के संक्रमण ले निपटे बर: पोसाकोनाजोल अऊ एम्फोटेरेसिन-बी दवई के उपलब्धता ठउका करे के हुकुम
