रायपुर, मुख्यमंत्री विष्णु देव साय ह कोलंबो म आयोजित विमेंस T20 वर्ल्ड कप क्रिकेट फॉर द ब्लाइंड म भारतीय महिला टीम के ऐतिहासिक जीत म हार्दिक बधाई देहे हें। भारत ह फाइनल म नेपाल ल 7 विकेट ले हराके पहली पइत विश्व चैंपियन बने के गौरव हासिल करे हे। मुख्यमंत्री ह ए जीत ल पूरा देश खातिर गरब, भावना अऊ प्रेरणा ले भरे क्षण बताइन।
मुख्यमंत्री साय ह कहिन के ये उपलब्धि सिरिफ खेल के जीत भर नो हे, बल्कि साहस, आत्मविश्वास अऊ अदम्य इच्छाशक्ति के अनोखा मिसाल हे। दृष्टिबाधित महिला मन के ए शानदार टीम ह सिद्ध करिस के मजबूत संकल्प के आगू कोनो चुनौती बड़का नइ होवय। उंखर ये सुनहरा प्रदर्शन अवइया पीढ़ी खातिर प्रेरणा के दीपक बनही।
उमन कहिन के भारत के बेटी मन आज हर क्षेत्र—खेल, शिक्षा, विज्ञान, तकनीक अऊ नेतृत्व—म देश के नाव रोशन करत हें। ये विश्व खिताब नारी शक्ति अऊ नवा भारत के उभरत ऊर्जा के सशक्त चिनहारी ये।
मुख्यमंत्री ह टीम के सबो खिलाड़ी, कोचिंग स्टाफ अऊ सपोर्ट स्टाफ ल बधाई देवत कहिन के ए जीत ह विश्व खेल जगत म भारत के प्रतिष्ठा ल अऊ जादा ऊँचाइ म पहुँचाए हे।
भारत के बेटी मन के विश्व विजय! ब्लाइंड T20 वर्ल्ड कप म पहली पइत चैंपियन
