रायपुर,13 मार्च 2020। कोरोना वायरस के बढ़त असर ल देखत हुए प्रदेश म दसवीं अऊ बारहवीं बोर्ड के परीक्षा ल छोड़ के सबो स्थानीय परीक्षा ल स्थगित कर दे गे हे। ए संबंध म लोक शिक्षण संचालनालय ह सबो जिला शिक्षा अधिकारी मन ल आदेश जारी करे हे।
ए आदेश ले पहली ले आठवीं तक के परीक्षा के संगेसंग नौवीं अऊ ग्यारहवीं के परीक्षा ल घलो स्थगित कर दे गे हे। बता देन कि शनिवार ले ग्यारहवी अऊ 19 मार्च ले नौवीं के परीक्षा होवइया रहिस।
शिक्षा संचालक जितेन्द्र शुक्ला ह बताये हे कि कोरोना ले सावधानी के मद्देनज़र ये फ़ैसला ले गे हे. दसवीं-बारहवीं ल छोड़के जितना भी स्कूल शिक्षा विभाग के परीक्षा 31 मार्च तक होवइया रहिस, वो सबो ल रद्द करे गे हे. सबो डीईओ ल आदेश के पालन करे के निर्देश दे गे हे।
दसवीं अऊ बारहवीं बोर्ड ल छोड़ के सबो स्थानीय परीक्षा मन ह होइस स्थगित, लोक शिक्षण संचालनालय ह जारी करिस आदेश
