मुख्यमंत्री ह बालोद कलेक्टर ल दीन जल्दी कार्रवाई के हुकुम
रायपुर, 8 अगस्त, 2024। मुख्यमंत्री श्री विष्णु देव साय ह जनदर्शन म आए बालोद निवासी बोधनलाल के अधिग्रहित जमीन के मुआवजा देहे के संबंध म जल्दी कारवाई करे के हुकुम बालोद जिला प्रशासन के अधिकारी मन ल देहे हें। बोधन लाल ह मुख्यमंत्री श्री साय ल बताइस के वोखर जमीन अंडा म सड़क निर्माण बर अधिग्रहित करे गए रहिस, फेर अब तक ओ ल भू-अर्जन के मुआवजा राशि नइ मिल पाय हे। मुख्यमंत्री ह ए बात म बालोद कलेक्टर ल जल्दी कार्रवाई करके भू अर्जन के राशि देवाए के हुकुम दीन। मुख्यमंत्री ह एखरे संग भू अर्जन ले प्रभावित आन मनखे मन ल घलोक लउहे राहत देहे के हुकुम दीन हे।
बोधनलाल ह मुख्यमंत्री के प्रति आभार व्यक्त करत कहिस के ओ ल भरोसा रहिस कि भू अर्जन के राशि सीएम साहेब ले मिले के बाद जल्दीच मिल जाही। आप मन मोला आश्वस्त कर देहे हव। अब मोर जम्मो चिंता दूर हो गए हे।
