मुंबई, 14 जून 2020। बॉलीवुड जगत ले एक बहुत ही दुखद खबर आगु आये हे. मशहूर एक्टर सुशांत सिंह राजपूत ह मुंबई म अपन घर म फांसी लगा के जान दे दिये हे. कुछ दिन पहली ही उंखर पूर्व सिकरेट्री ह घलो सुसाइड करे रहिस. हालांकि अभी तक ये साफ नई हो पाये हे कि खुदकुशी के मुख्य वजह का हे.
मुंबई पुलिस जांच करे बर उंखर घर पहुंचे हे. रिपोर्ट मन के अनुसार सुशांत के नौकर ह पुलिस ल फोन करके एखर जानकारी दीस. सुशांत सिंह राजपूत एमएस धोनी के बायोपिक ले बेहद चर्चित होय रहिस. ओमन कई फिल्म मन म काम करे रहिस. एखर अलावा मशहूर टीवी सीरियल पवित्र रिश्ता म घलो काम करे रहिस. ये खबर के जानकारी मिलत ही पूरा बॉलीवुड इंड्रस्ट्री म शोक के लहर हे.
