रायपुर, 3 अक्टूबर 2020। छत्तीसगढ़ के रायपुर म सट्टा के कारोबार मकान अउ अपार्टमेंट ले निकल के अब सड़क म आगे। न्यू राजेंद्र नगर थाना पुलिस ह एक सटोरिया ल गिरफ्तार करिस हे। पकड़े गे आरोपी सड़क तीर एक्टिवा म बैइठ के मोबाइल ले सट्टा खेलावत रिहिस। ओकर पास ले करीब साढ़े 6 लाख रुपिया घलो बरामद करिन। जानकारी के मुताबिक, देर रात पुलिस टीम ह गश्त म रिहिस। इही दौरान पता चलिस कि महावीर नगर म कुकरेजा फार्म हाउस के आगु एक युवक एक्टिवा म बैइठ के सट्टा खेलावत रिहिस हे। टीम ह मउका म जाके ओला पकड़ लीस। पकड़े गे आरोपी अमलीडीह निवासी विशाल दौलतानी के पास ले एक बैग म 6.43 लाख रुपए बरामद होइस। पूछताछ म पता चलिस कि आरोपी विशाल मोबाइल एप पबजी एक्सचेंज एप के जरिया आईपीएल के मुंबई इंडियन बनाम किंग्स इलेवन पंजाब टीम के क्रिकेट मैच म सट्टा लगवात रिहिन। पुलिस ह ओकर पास ले मोबाइल, एक्टिवा सहित 10.43 लाख रुपिया के हिसाब के सट्टा पर्ची घलो बरामद करिन हे। बताय जावत कि बैग म मिले रुपिया सट्टा के ही रकम हे।
आईपीएल म सट्टा खेलावत सटोरिया 6.43 लाख नगदी के संग पकड़इस
