बलौदाबाजार, 30 मार्च 2021। बलौदाबाजार के शासकीय नवीन प्राथमिक शाला के भवन म आग लग जाये ले उहाँ रखे किताब मन जलके राख होगे नगर सेनानी के दमकल टीम ह आग म काबू पाइस. जब तक आग म काबू पाये जाथे तब तक फर्नीचर अऊ किताब मन जलके राख होगे.
स्कूल भवन म आग कइसे लगिस ये पता नई चल पावत, उहें आसपास के लोगन के कहना हे कि संझा होत ही भवन म असामाजिक तत्व वाले मन के डेरा लग जाथे. पहली घलो इहाँ कई बार चोरी के घटना हो चुके हे, लेकिन आज तक चोर मन के पता नई चल पावत हे. फिलहाल, कोतवाली पुलिस मउका म पहुंचे हे,अऊ जाँच म जुटे हे.
