मुख्यमंत्री ह श्रम वीर के सम्मान म हजारों श्रमिक मन के संग लिस बोरे-बासी के आनंद

अथान, चटनी, भाजी, बड़ी-बिजौरी अउ गोंदली के संग बोरे-बासी तिहार म होइस सामूहिक भोज
छत्तीसगढ़िया श्रमिक के संस्कृति के अभिन्न हिस्सा हे बोरे बासी : मुख्यमंत्री श्री बघेल
मुख्यमंत्री ह श्रमिक मन के संग मनाइस श्रमिक दिवस, कहिस – छत्तीसगढ़ के विकास म श्रमिक के योगदान अमूल्य
रायपुर,  नेहा राठौर के खबर/ मुख्यमंत्री श्री भूपेश बघेल ह श्रमिक दिवस के अवसर म श्रमवीर के सम्मान म प्रदेश भर ले आये हज़ारों श्रमिक मन के संग आज बोरे-बासी के आनंद लिस। राजधानी रायपुर के साइंस कॉलेज मैदान म आयोजित बोरे-बासी तिहार के सामूहिक भोज म मुख्यमंत्री ह अथान, चटनी, भाजी, बड़ी-बिजौरी अउ गोंदली के संग भुइयां म बईठ के बोरे-बासी खाईस अउ श्रमिक दिवस मनाइस।
मुख्यमंत्री ह ए अवसर म कहिस कि बोरे-बासी छत्तीसगढ़िया श्रमिक मन के संस्कृति के अहम हिस्सा हे अउ ओमन के सम्मान अउ योगदान के प्रति कृतज्ञता व्यक्त करे ब ही बोरे-बासी तिहार मनाए जाथ हे। बोरे-बासी श्रमिक मन के प्रिय आहार के संग ओमन के जीवन के अहम हिस्सा तको आए। ओ ह कहिस कि छत्तीसगढ़ के विकास म  श्रमिक के योगदान अमूल्य हवय अउ ओमन के प्रयास से ही हमन नवा छत्तीसगढ़ गढे़ के ओर तेजी ले आघू बढ़त हन।