रायपुर, छत्तीसगढ़ के मुख्यमंत्री श्री भूपेश बघेल ह काली संझा एक ठन ट्वीट करके ऊँघावत छत्तीसगढि़या स्वाभिमान ल फेर जगा दीस। उमन अपने ट्वीटर म एक ठन वीडियो के संग परगट होईन अऊ कहिन के छत्तीसगढ़ के कमईया अऊ किसान मनखे मन के मूल भोजन बोरे-बासी आए। बोरे-बासी हमर चिन्हारी आए जेकर प्रति प्रदेश म सम्मान जगाए खातिर मजदूर दिवस के दिन ल हमन बोरे-बासी डे के रूप म मनाबो। उमन डॉ. खूबचंद बघेल के कविता ‘गजब विटामिन भरे हुए हे छत्तीसगढ़ के बासी मा’ ल सुरता करत लिखिन के एक मई मने श्रमिक दिवस के दिन हम सब बोरे-बासी खाके मेहनत के सम्मान करबोन अऊ अपनी संस्कृति उपर गरब घलव करबो।
'गजब विटामिन भरे हुए हे छत्तीसगढ़ के बासी मा'
पहली मई यानी श्रमिक दिवस के दिन हम सब बोरे बासी खाकर श्रम का सम्मान करेंगे और अपनी संस्कृति पर गर्व भी करेंगे। pic.twitter.com/1XrbGPdhwW
— Bhupesh Baghel (@bhupeshbaghel) April 28, 2022
