रायपुर, मुख्यमंत्री श्री भूपेश बघेल ह आज रैपुर म प्रदेश स्तरीय श्रमिक सम्मेलन ल संबोधित करत कहिन कि गरीब आदमी ये सोच घलोक नइ सकत रहिस कि ओखर लइका इंग्लिश स्कूल म पढ़ही। जनता मन के मांग ल देखत स्वामी आत्मानंद अंगरेजी माध्यम स्कूल म सीट बढ़ाए गए हे अऊ जून महीना ले 50 नवा स्वामी आत्मानंद अंगरेजी माध्यम स्कूल घलोक खोले जात हे।
ये मौका म दाऊ भूपेश बघेल ह कहिन के ये मजदूर दिवस बहुत खास हो गए हे, मै ह जनता ल बोरे बासी खाए ल कहे रहेंव। एकर बाद मैं एखर बारे म जानकारी लेंव त पता चलिस के छत्तीसगढ़ी व्यंजन बोरे बारी ल आज देश विदेश म मनखे मन खावत हें। ए बेरा म उमन मजदूर मन संग बईठ के बोरे-बासी तको खाईन अऊ कहिन के आज छत्तीसगढ़ी व्यंजन के प्रसिद्धि ले में बहुत गर्व महसूस कररत हंव। ये बेरा म मंत्रीगण, विद्यायकगण, निगम मंडल,आयोग के पदाधिकारी मन ह एक संग बईठ के बोरे बासी खाइन।
मुख्यमंत्री श्री भूपेश बघेल ह आज श्रम दिवस म मजदूर मन संग बइठ के बोरे बासी खाइन
